追蹤
愛畫畫的飛行魚--呂淑恂的繪本課
關於部落格
呂淑恂的插畫、繪本、繪本課
  • 61955

    累積人氣

  • 1

    今日人氣

    7

    追蹤人氣

小兔子的生日(台語繪本)

  在2006年曾在部落格裡分享了三張內頁,今天把完整故事放上來。(裡面的台語用字和教育部公布的閩語用字不一定相同)

  大家來講台語吧!


書名:免子過生日(畫材/壓克力顏料)
 
猴仔的尾溜長長長,大象的鼻仔長長長,
長頸鹿的脖仔長長長,鱷魚的嘴嘛長長長。

 猴仔的新衫白晰晰,大象的新衫紅記記,
鱷魚的新衫黃貢貢,長頸鹿的新衫青磅磅。

 
長頸鹿的禮物尖尖尖,大象的禮物圓圓圓,
鱷魚的禮物扁扁扁,猴仔的禮物是祕密。
到了!到了!兔仔的厝到了。

 
生日快樂!                                  
小兔仔看到逐家真歡喜。
長頸鹿講:「這是我卜送予汝的禮物,一定會合汝的味喔。」
小兔仔講:「真多謝!真多謝!」

 
紅菜頭硬叩叩,紅菜頭脆脆脆,小兔仔食了笑微微。
大象講:「這是我卜送予汝的禮物,今仔日送汝這個抵抵好。」
小兔仔講:「真歹勢!真歹勢!」

 
雞卵糕甜勿勿,雞卵糕綿綿綿,小兔仔食了笑嘻嘻。
鱷魚講:「這是我卜送予汝的禮物,汝一定會足甲意矣。」  
小兔仔講:「真歹勢!汝就厚禮矣。」

大披薩聞起來香貢貢,食起來黏粚粚,亦擱會牽絲,小兔仔食了笑咳咳。
猴猻講:「這是我卜送予汝的禮物,足好食哦!」
小兔仔講:「真歹勢!魯力啦!」
 榴槤的殼剌剌剌,榴槤的味臭摸摸。
害啦!逐家雄雄卜昏倒矣!

猴猻看就真傷心,一直號,眼屎貢貢流,鼻水喢喢滴,新衫墨得烏趖趖。
小兔仔細細聲講:「抑無,我來食看覓咧。」

想袂到,小兔仔大聲講:
「哇!足好食吔!恁快來食看覓咧!」
啥乜,甘真正足好食矣?
榴槤聞起來臭摸摸,食起來香貢貢,
摸起來軟膏膏,吞下去甜滋滋,
還袂歹食呢。逐家食了足甲意。
小兔仔講:「我嘛有禮物卜送予恁哦。」
 

猴猻有黃黃黃的芎蕉,大象有烏烏烏的甘蔗,
鱷魚有紅紅紅的魚仔,長頸鹿有青青青的葉仔。逐家攏足甲意自己的禮物矣。


 看看 小恂繪本課的目錄  小恂的手製繪本  小恂的插畫

注意:文字及圖片未經本人同意或清楚註明出處,請勿任意轉用
相簿設定
標籤設定
相簿狀態